Kolosianëve 1:12
Emri klh`ro~ [klhros] fillimisht i referohet çdo lloj sendi që përdorej për të vendosur për diçka, si “zar”, dhe prej këtu i referohej mënyrës për të vendosur, për të caktuar apo për të ndarë diçka, “short” (Johannes Louw, and Eugene Albert Nida, Greek-English Lexicon of the New Testament: Based on Semantic Domains. electronic ed. of the 2nd edition [New York: United Bible Societies, 1996] 6.219; William Arndt, F. Wilbur Gingrich, Frederick W. Danker, and Walter Bauer, A Greek-English Lexicon of the New Testament and Other Early Christian Literature. 3rd ed. [Chicago: University of Chicago Press, 2000], zëri klh`ro~ [klhros] 1). Në këtë përdorim shfaqet termi te Mat. 27:35; Vep. 1:26 etj. Mbi këtë bazë, termi ka kaluar në përdorim edhe "për një pjesë, hise, vend apo detyrë, që dikush ka marrë apo mund të marrë përmes shortit apo si vendim sovran hyjnor" (William Arndt, F. Wilbur Gingrich, Frederick W. Danker, and Walter Bauer, vep. cit., zëri klh`ro~ [klhros] 2; G. Abbott-Smith, A Manual Greek Lexicon of the New Testament, bot. 3-të, [Edinburgh: T&T Clark, 1936], zëri klh`ro~ [klhros] (b)). Në këtë kuptim emri shfaqet te Vep. 1:17; 8:21. Në këtë kuptim është përdorur edhe folja klhrovw [klhrow] tek Efe. 1:11 (i vetmi rast i përdorimit të foljes në gjithë BR). Termi klh`ro~ [klhros] ka lidhje të ngushtë me klhronomiva [klhronomia] “trashëgimi”, në atë që, ashtu si klhronomiva [klhronomia], mund të tregojë një pjesë toke të caktuar për dikë si trashëgimi, me kuptimin “short”, “hise”. Ky kuptim shfaqet dendur te LXX për ndarjen e tokës së Kananit si trashëgimi të caktuar nga Perëndia (krh. Eks. 6:8; Num. 26:55-56; 27:7; 33:53; LiP. 2:9, 19; 3:18), por edhe për atë që Perëndia u ka dhënë Levitëve (krh. Num. 18:21, 24). Megjithatë, kjo nuk do të thotë se nuk ka një dallim mes këtyre termave. Në të gjitha këto raste këmbimi mes dy termave ka të bëjë me atë se “Toka u është dhënë izraelitëve ejn klhvrw/ [en klhrw “me short”].” (W. Foerster, Theological Dictionary of the New Testament, redaktuar nga Gerhard Kittel, Geoffrey W. Bromiley and Gerhard Friedrich [electronic ed. Grand Rapids, MI: Eerdmans, 1964-], vëll. 3, f. 759). Pra, klh`ro~ [klhros] tregon “hisen” e tokës që është caktuar si short nga Perëndia, ndërsa klhronomiva [klhronomia] thekson faktin se ajo që është dhënë është një zotërim i pandryshueshëm dhe i përhershëm (W. Foerster, po aty, f. 760). Duke konsideruar sa më sipër, përdorimi i termit klh`ro~ [klhros] nga Pali, edhe pse mund të mbartë idenë e klhronomiva [klhronomia] “trashëgimisë” (krh Vep. 20:32), fakti që nuk e përdor këtë të fundit (siç e ka përdorur te 3:24), do të thotë se ai nuk i referohet specifikisht “trashëgimisë”, por faktit që “pjesa” që marrin të krishterët është caktuar për ta nga sovraniteti i Perëndisë si “short” (krh. Vep. 26:18). Kjo është pasqyruar në përkthim përmes emrit në shqip “short” (kështu edhe Kristoforidhi), i cili shpreh shumë mirë ngjyrimet kuptimore të emrit grek (shih FGJSH; Konstandin Kristoforidhi, Fjalor shqip-greqisht. Transkriptuar dhe përpunuar prej prof. Aleksandër Xhuvanit [Tiranë: Universiteti Shtetëror i Tiranës, Instituti i Historisë e i Filologjisë, 1961).