Bibla PRO - Pyetje të shpeshta

A duhet të krijoj një llogari për të lexuar Bibla PRO online?

Për të lexuar online tekstin përfundimtar të Bibla PRO, nuk do të jetë e nevojshme të krijoni një llogari. Por për të lexuar pjesët e përkthyera deri tani, për të studiuar morfologjinë e tekstit biblik, për të diskutuar dhe mbajtur shënime, ju nevojitet një llogari.

Si mund të krijoj një llogari?

Për të krijuar një llogari, ju duhet një adresë emaili, e cila do të përdoret për të verifikuar llogarinë. Për të krijuar një llogari, duhet të klikoni në menynë "Regjistrohu" dhe të plotësoni formularin e regjistrimit.

Pasi të plotësoni të gjitha fushat e formularit të regjistrimit, do të merrni një email (me lidhjen e verifikimit) për të aktivizuar llogarinë.

Si mund të rivendos (reset) fjalëkalimin tim?

Për të rivendosur fjalëkalimin, duhet të hapni formularin e rivendosjes dhe për këtë duhet të klikoni "LOGIN" (tek menytë) dhe aty do të gjeni opsionin "Keni harruar fjalëkalimin?". Në këtë formular do të gjeni dy fusha që duhet të plotësohen. Në fushën e parë duhet të futni emailin tuaj të lidhur me llogarinë. Në fushën e dytë do të vendosni rezultatin e veprimit të thjeshtë aritmetik për të vërtetuar se ky proces nuk është një veprim automatik (robot). Më pas klikoni mbi "Fillo PROCEDURËN" dhe do të merrni një email. Veprimet e mëtejshme shpjegohen në formularin ose në emailin që do të merrni.

Çfarë është varianti interlinear i përkthimit të Biblës?

Interlineari është mjeti më i mirë për të lexuar tekstin origjinal në gjuhët biblike. Në këtë variant çdo fjale të origjinalit i përgjigjet një fjalë në gjuhën shqipe.

Çfarë është varianti standard i përkthimit të Biblës?

Varianti standard është dhënia e tekstit biblik në shqipen standarde, duke respektuar strukturën sintaksore dhe morfologjike të gjuhës së sotme shqipe.

Cilët janë përkthyesit e përfshirë në këtë projekt?

Të gjithë ata që janë përfshirë në këtë projekt si përkthyes, redaktorë, korrektorë, kontrollues të përkthimit, këshilltarë etj., ashtu si ata që e ndërtuan Bazilikën e Vrinës (Butrint), ia përkushtuan Zotit veten dhe mundin e tyre, dhe emrat e tyre i di Perëndia. Kualifikimin, zotësinë dhe ekspertizën e këtij grupi mund ta verifikojë çdo lexues i Biblës PRO, sa kohë që e ka gjithnjë para syve tekstin burimor nga ku është kryer përkthimi.

Pse duhet të krijoj një llogari?

Për t’u bërë pjesë e një komuniteti të interesuar për të lexuar Fjalën e Zotit në tekstin origjinal, që shkëmbejnë informacione dhe urtësinë e Shkrimit të Shenjtë me njëri-tjetrin; mësojnë prej përgjigjeve që marrin për pyetjet në lidhje me Shkrimin, filologjinë e gjuhëve biblike, hermeneutikën e tekstit biblik, njohurinë për botën biblike dhe për dorëshkrimet kanunore të Shkrimit të Shenjtë etj.

Si të kryej një kërkim të fjalëve në tekstin origjinal?

Kliko dy herë në telefon ose tabletë ose me anën e djathtë të mausit tek fjala që të intereson. Nëse zgjedh opsioni “morfologjia”, do të shfaqet në cepin e anës së djathtë përshkrimi morfologjik i fjalës në greqishten biblike.

Nëse zgjedh opsionin “kërko”, tek tabela që shfaqet në të djathtë zgjidh ikonën e lupës në krah të fjalës. Sistemi do të kërkojë për fjalët që kanë të njëjtat të dhëna morfologjike.

Çfarë ka të re e të ndryshme ky përkthim nga të tjerët që janë tashmë në shqip?

Ky përkthim synon të jetë në thelb i fjalëpërfjalshëm, duke u përpjekur të ruajë, për aq sa e lejon struktura dhe stili i shqipes, përbërësit leksikorë dhe sintaksorë të origjinalit. Për këtë arsye, atëherë kur kjo nuk është e mundur, ose kur ekzistojnë dy a më shumë mundësi përkthimi apo kuptimi, çdo gjë është pasqyruar me shënime përkatëse. Po ashtu, në dallim nga versionet e tjera në shqip, thuajse çdo ndryshim tekstual mes botimeve kritike të Textus Receptus-it dhe Nestle-Aland-it është pasqyruar me shënime përkatëse në variantin interlinear dhe, në raste specifike, në variantin standard të Shkrimit të Shenjtë.

Tek përkthimi Bibla PRO për çdo fjalë në përkthimin standard do të gjeni fjalën përkatëse në tekstin origjinal dhe të dhënat morfologjike të saj, përveç fjalëve që janë dhënë me shkronja të pjerrëta, të cilat nuk janë të lidhura me asnjë fjalë në tekstin origjinal dhe për të cilat nuk do të ofrohet kërkim në sistem.

Një nga risitë më të mëdha që vjen përmes Bibla PRO është se për herë të parë në shqip ofrohet një variant interlinear përkthimi, ku lexuesi ka mundësi të ndjekë tekstin në gjuhët origjinale përmes përkthimit të çdo fjale në shqip.

Po ashtu, përmes këtij varianti, për herë të parë lexuesi shqiptar mund të bëjë një kërkim përmes programit online të një fjale apo grupi fjalësh dhe të shohë në origjinal me përkthim poshtë të gjitha rastet e përdorimit të asaj fjale apo grupi fjalësh.

Çfarë është Shpata e Fjalës?

Shpata e Fjalës është një platformë e krijuar pikërisht për komunitetin e përdoruesve të Bibla PRO, ku cilido që ka një profil të verifikuar mund të japë mendimin e tij dhe të diskutojë lidhur me çështje që kanë të bëjnë me përkthimin e fjalëve dhe shprehjeve tek Bibla PRO.

Si të heq shenjat e shënimeve publike, titujt te vargjet etj.?

Shenjat e shënimeve te vargjet, titujt, numrat e vargjeve mund të çaktivizohen tek menyja në të djathtë. Bibla PRO ofron një tekst që lexuesi mund ta lexojë me rrjedhshmëri pa pasur numrat, titujt etj., shenja konvencionale që nuk ndodhen në dorëshkrimet origjinale.

Si mund të jap kontributin tim për këtë projekt përkthimi të Biblës në shqipe?

Janë të mirëpritur të gjitha ata që duan ta mbështesin financiarisht këtë projekt. Gjithashtu, janë të mirëpritur të gjitha ata që kanë kualifikimin dhe ekspertizën si njohës shumë të mirë të gjuhës shqipe (redaktorë e korrektorë), njohës të hebraishtes dhe greqishtes biblike dhe si njohës të tekstit biblik nga pikëpamja filologjike.

Pyetje të shpeshta

A duhet të krijoj një llogari për të lexuar Bibla PRO online?

Si mund të krijoj një llogari?

Si mund të rivendos (reset) fjalëkalimin tim?

Çfarë është varianti interlinear i përkthimit të Biblës?

Çfarë është varianti standard i përkthimit të Biblës?

Cilët janë përkthyesit e përfshirë në këtë projekt?

Pse duhet të krijoj një llogari?

Si të kryej një kërkim të fjalëve në tekstin origjinal?

Çfarë ka të re e të ndryshme ky përkthim nga të tjerët që janë tashmë në shqip?

Çfarë është Shpata e Fjalës?

Si të heq shenjat e shënimeve publike, titujt te vargjet etj.?

Si mund të jap kontributin tim për këtë projekt përkthimi të Biblës në shqipe?

Rreth projektit

Pyetje të shpeshta

Bli Online

Regjistrohu

Shporta

Paneli i kontrollit

Dil

Preferencat

Shënime

Profili

Librat e Biblës

Rreth projektit

Pyetje të shpeshta

Bli Online

Regjistrohu

Identifikohu

Shporta

Paneli i kontrollit

Dil

Preferencat

Shënime

Profili

Librat e Biblës