Studimi i Biblës është një përbërës i rëndësishëm i jetës shpirtërore. Ai i ndihmon besimtarët që ta kuptojnë sa më saktë Shkrimin e Shenjtë, për ta njohur më mirë Perëndinë dhe për të parë sa më qartë se si lidhen mësimet biblike me jetën e përditshme.
Analiza morfologjike mundëson studimin e ndërtimit të formave të fjalëve në gjuhët origjinale të tekstit biblik (hebraisht, aramaisht dhe greqisht). Përmes saj, lexuesi mund të mësojë se çfarë kuptimi ka marrë një fjalë në format e saj të eptimit. Kjo mund ta ndihmojë atë për të kuptuar sa më mirë qëllimin e autorit në përdorimin e saj në kontekstin gjuhësor ku gjendet.

Më 1 maj, Bibla PRO do ta mundësojë këtë dritare studimi në versionin digjital të interlinearit, për tre librat e publikuar deri tani. Ju mund të klikoni mbi çdo fjalë dhe të shihni veçoritë e saj morfologjike. Për më tepër, këtë mund ta bëni si nga madhësia e ekranit të kompjuterit, ashtu edhe nga rehatia e celularit apo tabletit tuaj.

Qëndroni me ne për mjete të tjera studimi që do t’i shtohen projektit Bibla PRO, ose na kontaktoni për të dhënë sugjerimin tuaj.

Ndaje me të tjerë

Postime të tjera